Hamınızı xoş gördüm. Bu günkü mövzum dövlət müəssisələrinin işlətdiyi əməliyyat sistemləri, piratçılığın səviyyəsi və Linuxa keçid imkanı ilə bağlı olacaq.
Bu gün xəbərləri oxuduğum zaman, məni çox heyranedici bir xəbər ilə rastlaşdım. Russiya məktəblərində Linuxun istifadəsi, dövlət səviyyəsində istifadə, Ukrayna dövlət qurumlarınıda çox maraqlandırıb. Bu da, Ukrayna hakimiyyətinin milli Linuxunun yaradılması fikirinə gətirib çıxarıb. Hətta bu artıq sadəcə fikir yox, dekabr ayının sonunda, Nazirlər kabineti tərəfindən təstiqlənmiş proqram konsepsiyasıdır.

Xəbərdən qısa olaraq məlumat:

Ukrayna dövlət müəssisəlində istifadə edilən açıq kodlu proqramların sifarişi ilə məşğul olan, Rabitə və informasiya texnologiyaları komitəsi, yeni plan hazırlayıb. Plana görə, bütün dövlət orqanları üçün açıq kodlu PT paketi hazırlanmalıdır. Onun yaradılmasına 4 il və 5,6 milyon dollar ayrılıb.

Ətraflı burada oxumaq olar: Klik

Məlumatda bildilir ki, dövlət müəssisələrində 234 min kompüter parkı mövcuddur ki, bunlarında çoxunda xarici vendorlar və şirkətlərin PT-dən istifadə edilir. Əgər bu PT-ləri leqallaşdırıb və yeniləsələr, bu onlara 50 — 62,5 milyon dollara başa gələ bilər.

— Bəs bizdə? Gəlin müqaisə üçün, ilk olaraq dövlət müəssisələrində istifadə edilən leqal və qeyri leqal ƏS və PT danışaq.
İlk olaraq bu xəbərə istinadən qeyd edə bilərik ki, Azərbaycanda hər 10 kompüterdən 9-u pirat Microsoft ƏS-i istifadə edir.
Bu göstərici həmçinin dövlət müəssisələrində də öz əksini tapır. Belə neqativ hallar, ölkənin İKT sektoru barədə çox pis təəssüratlar yaradır. Bu hal, bizi xarici saytlarda bizi Gürcüstan, Şri-lanka, Zimbabve və üzdən irağ düşmənimiz ilə yanaşı olmağa məcbur edir.

İkinci problem isə, Azərbaycan Respublikası Rabitə və İnformasiya Texnologiyaları Nazirliyi, Azərbaycan Respublikası Təhsil Nazirliyi, HP və Microsoft şirkətlərinin birgə olaraq həyata keçirdikləri «Xalq kompüteri» layihəsidir.
Hal-hazırda Microsoftun ən son ƏS olan Windows 7 qiymətləri ilə tanış olaq.
windows.microsoft.com/en-us/windows/shop
Ən ucuz 119$, orta 199$, ən bahalısı isə 229$-dır.
Deməli, əgər 140 manat maaşı olan məktəb müəllimi bu kompüter əldə etmək istəsə, ən pis vəziyyətdə maaşının 60%-ni yalnız ƏS verməlidir. Bu da atılan növbəti səhv addımdır.
Elə birinci problemdə, ikinci problemdən irəli gəlir. İnsanların ƏS 50$ çox pul vermək istəməməsi, piratlığın səviyyəsini maksimum dərəcəyə gətirib çıxarır.

Yəqin ki, bu mövzu və Ukraynanın dövlət səviyyəsində Linux ƏS-ə keçməsi, bizimkilər üçün bir maraq yaradacaq və analoji addımlar atılacaqdır.

Linux ƏS-nin müsbət və mənfi cəhətlərinə baxaq:



Hər halda iş yerləri üçün proqramların, Linux əməliyyat sistemində alternativləri mövcuddur.

Microsoft Office > OpenOffice
və s. 

Bu da, iş yerlərində lazımsız işlərin görülməsini azaldar :) Lakin ev istifadəçiləri üçün yeganə problem, oyunların Linux ƏS işləməməsidir. + Photoshop, Corel Draw kimi PT alternativinin olmamasıdır.

Bəlkədə cədvəldə hər-hansı müsbət və mənfi cəhətləri yadımdan çıxarmışam. Zəhmət olmasa şərhlərdə düzəliş edəsiniz.
Yazdıqlarım şəxsi fikirlərim olduğundan, heç kimin xətrinə dəyməsin.

Qeyd:
Azərbaycanda Linux sevərlərin blogu: linux.az
Ən rahat Linux ƏS: Ubuntu 9.10

* ƏS — Əməliyyat sistemi | PT — Proqram təminatı