“YUMROO” milli axtarış portalının təşkilatçılığı, Azərbaycan Rabitə və İnformasiya Texnologiyaları və Gənclər və İdman nazirliklərinin, “AzeriCard” şirkətinin, “HP” şirkətinin Azərbaycandakı nümayəndəliyinin və “İRƏLİ” İctimai Birliyinin dəstəyi ilə keçirilən “I Milli İnternet Forum”un birinci günü başa çatdı.



“Birinci Milli İnternet Forumun” veb-səhifəsində təqdim edilmiş proqrama, forum zamanı kürsü üzərinə spam kimi yayılmış qovluq içərisindəki proqramda dəyişikliklər əlavə edilmişdi. Bu da internet forumun başlanmasına bir gün qalmış veb-səhifəyə əlavə edilmiş proqramın, qısa bir müddət içərisində yeni məlumatlarln əlavə edilməsi, təşkilatçıların çox çevir olduğunu bir daha sübut edir!

Qeyd etdiyimiz kimi, proqramda dəyişikliklər üzündən, salamlama nitqini Azərbaycan Rabitə və İnformasiya Texnologiyaları naziri Əli Abbasov yox, nazir müavini Elmir Vəliyev etdi. Elmir müəllim, ayrılmış 10 dəqiqəni, artıq 15 dəqiqə ilədə əvəzləyərək, Azərbaycan internetinin günü-gündən çiçəklənməsi, internet qiymətlərinin sürətli düşməsindən bəhs etdi. Elmir müəllimin nitqindən sonra, dərhal məruzələrə keçildi.

Ümumilikdə forum 3 hissəyə bölünmüşdü. Hissələr maraqlı mövzuları əhatə edirdilər. Məruzələrin mövzuları ilə aşağıda tanış ola bilərsiniz:

1. Dünyada tanınmış telekommunikasiya şirkətləri Azərbaycanda:

1.1 HP Şirkətinin Azərbaycandakı nümayəndəliyin təmsilçisi İqor Yevtçukun «İnternetin inkişafı istiqamətində müştəri üçün virtual mühitin yaradılması üzrə həll yolları » mövzusu
1.2 NOKIA şirkətinin MDB-nin cənubi ölkələri üzrə marketinq şöbəsinin rəhbəri Ruslan Veysovun “OVİ və NOKİA noutbukları” mövzusu
1.3 Oracle Şirkətinin nümayəndəsi Elçin Quliyevin “İnternet «Oracle» ilə — daha imkanlı, etibarlı və təhlükəsiz” mövzusu
1.4 Microsoft-Azerbaijan şirkətinin Təhsildə Əməkdaşlıq proqramının meneceri Emin Axundovun “Azərbaycanın İKT təhsilində Microsoft” mövzusu

2. Azərbaycan İnternetinə nəzər

2.1 Delta şirkətinin Texniki direktoru Rahid Ələkbərlinin “Azerinet 2009-a nəzər” mövzusu ilə çıxışı.
2.2 AzeriCard şirkətinin Biznes İnkişaf şöbəsinin müdiri Cahangir Məmmədovun “E-commerce və elektron ödəniş kanalları” mövzusu
2.3 NETTY təşkilat komitəsinin sədri Ruslan Novruzovun “NETTY – starttaplar üçün prezentasiya meydançası” mövzusu
2.4 SilverКey şirkətinin baş direktoru Fərid İsmayılzadənin “Elektron ticarət: dünən, bu gün, sabah” mövzusu
2.5 Azerfon şirkətinin korporativ məhsulların hazırlanması üzrə meneceri Həsən Əsgərovun “Geniş xətli mobil şəbəkə və 3G Texmologiyası” mövzusu

3. Azərbaycan İnternetində İnformasiya və Media

3.1 APA xəbər agentliyinin baş direktoru Vüsalə Mahirqızının “Azərbaycan dilli saytlar” mövzusu
3.2 1News xəbər agentliyinin baş redaktoru Rəhman Haciyevin “Rus və inglis dilli saytlar və onların inkişaf yolları” mövzusu
3.3 TrendCapital agentliyinin direktoru Vaqif Şərifovun “Azərbaycanda İnternet reklam və onun inkişaf perspektivləri” mövzusu
3.4 YUMROO şirkətinin Marketinq üzrə direktoru Mikayıl Məmmədovun “Sosial şəbəkələr və milli internetin xüsusiyyətləri” mövzusu



Bir iştirakçı olaraq onu əlavə etmək istərdim ki, belə bir layihələrin keçirilməsinə çox böyük ehtiyac var. Yalnız sadəcə piar olunma xatirinə yox, Azərbaycan elektron cəmiyyətinin bir pillə yuxarı qaldırılması üçün bu işlərin görülməsi çox gərəkdir. Forum boyunca Anar Yolçuyevin «spikerlər», Elmir Vəliyevin «kontent» sözləri isə şərh edilməz bir şeydir :)

Hətta Baba Əliyevin (Explorer jurnalının redaktoru) internetdə müəllif hüquqlarının qorunması barədə qanunla maraqlarına, Elmir müəllim, hal-hazırda AzNetdə piratçılıqın olmaması və yavaş-yavaş yarandığını nəzərə çatdırıb, internet forum iştirakçılarına üz tutaraq «Hər kəs öz tanışlarına — piratçılığın pis bir vərdiş olduğunu və ondan istifadə olunmaması» tövsiyyəsinin edilməsini xahiş etdi…

Osman müəllimin bu internet forum barədə fikirlərini öyrənmək maraqlı olardı. Çünki, əgər səhv etmirəmsə, Turan informasiya agentliyinə verdiyi müsahibəsində, Osman müəllim belə internet forumların indiyinə kimi onlarla keçirildiyini bildirmişdi.

Məqalənin daha rəngarəng olması üçün, qwerty istifadəçiləri və forumdan maraqlı franqment şəkillərini təqdim edirəm:



//Fərhad Ələkbərov
farik@itexpert.az