iPhone 4S və Samsung Galaxy S2 drop test

İndicə sosial şəbəkələrdə paylaşılan videoya baxıb, çox heyran qaldım və sizinlə bölüşmək istəyirəm. Deməli bu videoda telefonların əldən düşərkən necə reaksiya vermələri haqda test edilir. Sınacaqmı? Sınmayacaqmı? Gəlin baxaq görək hansı sındı?

Nokia 701 və Symbian Bella icmalı

Bu günlərdə icmalını etdiyim Nokia N9 telefonunu MobiTel şirkətinə qaytarmaq üçün getdim. Sözün düzü belə gözəl dizaynlı telefonu adam qaytarmaq istəmirdi. Amma neyləyəsən… Telefonu qaytararkən, yeni modellər olarkən, İnfoCity jurnalının saytı və blogu üçün icmal etməyə, xəbər etmələrini xahiş etmişdim ki, şirkət nümayəndəsi yeni Symbian Bella əməliyyat sistemli Nokia 701 modelinin olmasını qeyd etdi və test üçün təqdim etdi. Telefonun və ƏS icmalını edib sizə təqdim edirəm.



YouTube`da InfoCity kanalına yazılmağı (subscribe) unutmayın :)

Yeni müsabiqə! Bu dəfə ActiveCloud fərqləndi!

Nokia N9 telefonunun icmalını edib qurtardıqdan sonra, Dima m. tərəfindən infocity.az saytında yazılan bir xəbəri gördüm. Son vaxtlar müsabiqələrdə iştirakdan çəkinmirəm və əgər bu sahədə biliyim varsa, tez iştirak etməyə can atıram ki, Allah Kərimdi, bəlkə qalib mən olacam? Xəbəri oxuduqdan sonra məlum oldu ki, ActiveCloud hosting xidməti göstərən şirkət tərəfindən web-masterlər üçün müsabiqə təşkil edilib. Web-programing sahəsində biliklərimin çox az olması çox gümanki bu müsabiqəyə qatıla bilməyəcəyimdən söz açır, yalnız iştirak edə bilməsəmdə, web-developer dostlarıma bu haqda xəbər verməyi özümə vacib bildim ki, bir çoxlarının bu haqda informasiyası olsun. Xəbəri əsasən yazıldığı kimi tərcümə edirəm ki, sonra heç bir problem yaşanmasın:

( Читать дальше )

Nokia N9 və MeeGo mobil əməliyyat sisteminin icmalı

Bu günlərdə video icmallara çox qızğın start verilib. Mobitel şirkətinin İnfoCity jurnalında icmal üçün təqdim etdiyi Nokia N9 telefonu bu gün əlimə düşdü. Jurnalın növbəti nəşr olacaq noyabr ayında telefon haqqında + mütəxəssis rəyi olan yazının müəllifi @Punkito`dur. Hətta bu günlərdə @Punkito bu telefonun video icmalını belə etdi. Yalnız icmal rus dilində olduğundan, bir çoxunuzun etirazına səbəb olmuşdu. Budur, sizə Nokia N9 və MeeGo əməliyyat sisteminin Azərbaycan dilində olan icmalını təqdim edirəm:



Rus dilində isə @Punkito tərəfindən çəkilən video çarx:



Original: Nokia N9 icmalı

Kim daha çox inkişaf edib? Biz ya Ermənilər?

Birdən elə fikirləşərsiniz ki, bu 1001golos.ru saytı kimi növbəti bir səsvermədir? Ya bəlkə Ermənistanın avropa çempionatına çıxa bilmə ehtimalı, Azərbaycan futbol komandasının isə 7 xal yığdığı haqda yazacam? Yox… Bu mövzu nə səsvermə, nə də futbol haqda olacaq.  Bu günkü yazım, İnformasiya texnologiyaları sahəsində inkişaf barəsində olacaq. Bilirsiniz ki, XXI əsrdə informasiya müharibəsi ən böyük problemlərdən biridir. Ən böyük problemimiz olan «Qarabağ problemi» haqda informasiyanın internet cəmiyyətinə necə yayılması, elə bizlərdən asılıdır. Hətta bu günlərdə belə «Google Maps» xəritələrində, Dağlıq Qarabağda yerləşən rayonlarımızın adının erməni adları ilə əvəz edilməsi, bu müharibədə zəif olduğumuzu təstiq edir. Ünvan: http://maps.google.com/?ll=39.986591,46.771545&spn=0.612384,1.352692&t=h&z=10&vpsrc=6

Bununla əlaqədar olaraq hətta bu günlərdə Facebook sosial şəbəkəsində qrupun açıldığını görüb, oraya üzv oldum: Google Maps-da Qarabağ problemi
Sizdə facebook`da bu qrupa qoşulub, Google Maps`də Azərbaycan torpaqlarının düzgün adlarla adlanmasına kömək ola bilərsiniz. Əgər sizin Google Maps`də informasiyanın necə əlavə edilməsi ilə bağlı bilgilər yoxdursa Droid.az saytında Kamran Səmədli tərəfindən yazılmış və Orxan Əhmədov tərəfindən video dərslik əlavə edilmiş bir keçid təqdim edirəm: Google Map Maker

Bu mövzunu ölkələrdə İKT sahənin inkişafı haqqında yazdığım üçün Google Mapsda Qarabağ problemi haqda daha ətraflı yaza bilməyəcəm. Əgər bu sahədə hər hansı sualınız olsa, həmin qrupa üzv olub, sual və yaxud köməklik edə bilərsiniz. İndi isə əsasən İKT sahəsi və İKT sahəsinin inkişafından danışaq. Bilirsiniz ki, İKT sahəsinin inkişafı, yalnız hökümətdən deyil, eləcədə biz, yəni gənc nəsildən asılıdır. Bu yazıda əsasən cavanların təşkil etdiyi tədbirlər və seminarlar haqda danışacam, görək hansı ölkənin cavanları daha aktivdir?

IKT sahəsində aktivlik, Azərbaycanda 2000-ci illərdən başlayıb. Yüngün HTML saytlar, 10 mb`lıq mail serverlər, mIRC sosial servisində ilk azərbaycan serveri (chat.az) və s. Bu mənim uşaqlıq illərimə düşdüyü üçün, əlbəttə ki bu sahədə biliklərimin çox olmadığına gətirib çıxarır. Amma sizə deyə bilərəm ki, bu sahədə Amid Quliyev (@Amidos), Emin Hüseynov (box.az), Emin Axundov (Microsoft-Azerbaijan) kimi gənclər o dövrdə çox aktiv idilər. Bəli hal-hazırda İKT sahəsində çalışan bir çox şəxslər çox aktiv olublar. Ancaq misal üçün bir neçəsinin adını çəkdim. Sonra IKT forumlar və saytları misal gətirim. Disput.az İKT forum bölümü, bir vaxtlar çox populyar idi. Eləcədə bakmil.com forumundada müzakirələr olurdu. Sonralar anit.az və itexpert.az kimi İKT forumları fəaliyyət göstərirdi. Bu günlərə isə yalnız www.qwe.azwww.weboxu.com kollektiv-bloqları sağ qalıb. Digərləri isə demək olar funksional deyil.  Bəli disput.az forumundə İKT bölümü qalıb, lakin orada artıq demək olar heç bir müzakirə getmir və heç bir mütəxəssis qalmayıb. Qısaca İKT sahəsinin tarixindən sonra, Azərbaycanda keçirilən İKT tədbir, seminarlara nəzər salaq:

( Читать дальше )

Samsung Galaxy S I9003 [Super Clear LCD]

Huawei planşetinin icmalından sonra növbəti, Samsung Galaxy SCL icmalı etmək fikrinə gəldim. Düzdü, internetdə bu telefonun icmalı çoxdur, lakin Azərbaycan dilində yoxdur :) İnşaAllah gələcəkdə daha yeni modellərin testini təqdim edəcəm!



YouTube`da İnfoCity kanalını izləməyi unutmayın

Original: Fariks blog

Saytım harada yerləşsin?

Bu günlərdə hostingimin lap zayı çıxdığından bu mövzuya da toxunmaq fikrinə gəldim. O gün uşaqlar tvitterdə deyir ki, bəs database ilə bağlı problemin var. Hostingimi Rusiyadan götürdüyüm üçün, onlara müraciət etdim. Servis deyir ki, bəs sizin sayt L12 serverində yerləşib, Database`lər isə L13 serverində. L13 ilə hal-hazırda problemimiz var… Bu problemdə artıq 1 həftədirki çəkir… Lap bezdiriblər məni… Bu ilin axrında hostingə ödədiyim vaxt bitdikdə, yeni hostingimi Azərbaycanda götürəcəm. Ona görə elə indidən, gəlin Azərbaycan hostingləri ilə tanış olaq. İlkin olaraq, 5 aktiv hosting haqqında danışaq. Bunlar: ActiveCloud, Adanet, SahilHost, SuperOnline Hosting və Yer.az hostingidir. Bu hostinglərin qiymətləri, təklif etdikləri xidmətlər, servis və digər xüsusiyyətləri ilə yaxından tanış olaq.



O gün işdən evə gələndə, mama dedi ki, Fərhad nə yeyirsən? Dedim nə verəcəksən onu da yeyəcəm. Restoran deyil ki, sifariş edim, hazırlasınlar =)) İndi bu hostinglərdə nə təqdim edir, onu da yeməli oluruq. Əgər servis gec cavab verirsə, buna məcbur qalıb, gözləməli oluruq. Qiyməti isə bazar deyil ki, aşağı salaq. İndi isə hostinglərə nəzər salaq:

Hostinglərlə bir-bir tanış olaq. Birinci tanış olacağımız hosting www.activecloud.az `dır. ActiveCloud şirkəti 2003-cü ildə Belarusiyanın Minsk şəhərində yaranıb. Sonradan 2010-cu ildən SoftLine şirkətinin bir hissəsinə çevirilərək, Azərbaycanda da fəaliyyətinə başlayıb. Saytda yuxarıda dil seçiminə keçdikdə, gördüm ki, hal-hazırda 5 ölkədə hosting xidmətləri göstərirlər. Bu Azərbaycan, Belarusiya, Gürcüstan, Rusiya və Özbəkistandır. Saytda məlumatın həddən artıq olduğunu nəzərə alsaq, beyaxdan menülərin içində batmışam. Əskərlikdən sonra, Azərbaycanda belə bir provayderin olması haqda xəbərim yox idi.

Gəlin Active Cloud təqdim etdiyi xidmətlərlə tanış olaq:
Domen qeydiyyatı: 37 müxtəlif domendə qeydiyyatdan keçmək imkanı. Qiymətlər 8 manatdan başlayıb, 52 manatda qurtarır. Mən elə bilirdim bizim 40 manatlıq .az domenindən baha domen yoxdu… Demə var imiş… “.aero”! Domenlərin qiyməti

Virtual hostinq (Shared hosting) — saytınızın digər müştərilərin saytları ilə yanaşı bir fiziki serverdə yerləşdirilməsi deməkdir. Bu hostinq növü geniş imkanlara və aşağı xidmət edilmə qiymətinə malik olmaqla, daxilolmalarının həcmi bir sutkada 1000 nəfər təşkil edən fərdi və korporativ saytlar üçün optimal həlldir. ActiveCloud hostingində bizə təqdim olunan virtual hosting qiymətləri ilə tanış olaq (LiveStreet CMS`ində cədvəl dəstəklənmədiyinə görə, yazılı şəkildə qeyd edirəm. Cədvəl ilə www.elekberov.com blogumdakı yazıda tanış ola bilərsiniz):

( Читать дальше )
  • 0
  • 06 октября 2011, 15:40
  • Farik
  • 2

iPhone 5 gələn həftə təqdim olunacaq

Bir qədər əvvəl, Mashable.com saytının yaydığı xəbərə görə, Apple şirkəti oktyabrın ayının 4-də keçiriləcək Apple Cupertino Kampus tədbiri çərçivəsində yeni iPhone təqdim edəcəyi gözlənilir.

Bu texnologiya nəhəngi həmçinin cari iPhone 4 əsasında, ikinci ucuz iPhone modeli təqdim edə bilər. Onu da qeyd edək ki, bu tədbir, şirkətin yeni CEO`su Tim Cook`un ilk çıxışı olacaq.



Yayılmış şaiyələrə görə, yeni iPhone 8 MP kamera, 1 GB RAM, geniş ekran və digər yüksək səviyyəli xüsusiyyətlərə malik olacaq. Eləcədə, Apple şirkəti yeni iOS 5 üçün yeni bir köməkçi xüsusiyyət yarada bilər… Yeni iPhone5`in təxmini şəkili:

( Читать дальше )

Sys`adminlər üçün olimpiada

Sys Admin və Linux sevərlər üçün yaxşı bir xəbərim var. Bu gün netdə surfing zamanı Yandex tərəfindən keçirilən olimpiada haqda xəbər tutub, sizlərlə bölüşürəm:
Linux yandex-games #ya2 SMP Tue Sep 27 5:43:25 MSD 2011 x86_64 GNU/Linux

Yandex artıq ikinci dəfə Open Source və Linux üzrə ixrtisaslaşmış sistem administratorları üçün olimpiada keçirir. Olimpiyada iştirakçıları, hər gün qarşılaşdıqları problemlərin tez və düzgün həlli üzrə mübarizə aparacaqlar.
  root@yandex:~# tail -f /var/log/news/news.notice
Olimpiada artıq bu gün, yəni sentyabr ayının 27-dən başlayıb.  Birinci turun oyunları oktyabr ayının 10-u və 14-ü keçiriləcək. Birinci turda qələbə qazanmış iştirakçılar, noyabr ayının 11-i Yandex şirkətinin Moskvadakı ofisində keçiriləcək 2-ci tura dəvət alacaqlar.

Olimpiada haqda xəbərlər root.yandex.ru saytında, twitter`də #yaroot teqi altında yayımlanacaq. Əgər hər hansısa bir sualınız olsa Olimpiada klubunda verə bilərsiniz!

Hədiyyələr:

I (0001) — 130 000.00 рубль (~ 3160 AZN)
II (0010) — 65 000.00 рубль (~ 1580 AZN)
III (0011) — 32 500.00 рубль (~ 790 AZN)

Proqram: http://root.yandex.ru/etc/crontab
Qaydalar: http://root.yandex.ru/usr/share/man/man1/rules

Birdə saytda yazılmasada, diqqətinizə çatdırım ki, birinci turda internet üzərindəndə qoşula bilərsiniz! Əgər keçsəniz, ikinci tura Moskvaya getməyə dəyər =) Bütün sys adminlərə uğurlar, xəbər tutduqca sizi agah edəcəm.

Original: Sys`adminlər üçün olimpiada

%My blog% analytics

Əsgərlikdən qayıtdıqdan sonra şəxsi bloq aparmaq ideyası, qwe.az-da artıq aktivliyin azalması ilə bağlı yarandı. Şəxsi bloqumda bunu daha orijinal edə, istifadəçilərə daha rahat funksiyalar təklif edə biləcəyimə imkan yarandı.  Avqust ayının 23-ü bloquma «Google Analytics» plugini əlavə edib, izləyicilər haqda məlumat yığmağa başladım. Bu məlumatların 1 aylıq statistikasını əldə etdikdən sonra sizlərlə bölüşmək istərdim.

Bloqda ilk bir aylıq fəaliyyəti dövründə, 1304 unikal qonaq (visitor), 2783 dəfə izlənmə (visits), səhifələrin baxışı isə 5592 (pageviews)  olub. İzləyicilərin blogumda orta qalma müddəti 4 dəqiqə 14 saniyədir. Bu da daxil olan izləyicilərin məlumatlarla bir neçə dəqiqə tanış olmasından irəli gəlir. Bütün oxucularımı daim izlədikləri üçün təşəkkür edirəm. Google Analytics`dən screen`lər təqdim edim (şəkilləri böyütmək üçün üzərinə tıklayın):

Visitor (unikal qonaq) silsiləsinə diqqət yetirsəniz, İKT hadisələr zamanı izləyicilərin sayının gündəlik 150+ (hal-hazırda 300-ə qədər), sadə günlərdə isə 60-90 arası dəyişdiyinin şahidi ola bilərsiniz. Hal-hazırda bu rəqəmlərin çox kiçik olması, bloqun yeni olması, həmdə Azərbaycanda bloq izləyənlərin çox az olması ilə bağlamaq olar. Hal-hazırda 2011-ci il olsada, Azərbaycanda bloq mədəniyyəti hələ təzə-təzə formallaşır. Birdə onu qeyd edim ki, bloqumda fəallıq əsasən sentyabr ayından başlayıb.

İndi isə baxışmış səhifələrin bir aylıq silsiləyə görə dəyişməsinə baxaq:

( Читать дальше )