Sys`adminlər üçün olimpiada

Sys Admin və Linux sevərlər üçün yaxşı bir xəbərim var. Bu gün netdə surfing zamanı Yandex tərəfindən keçirilən olimpiada haqda xəbər tutub, sizlərlə bölüşürəm:
Linux yandex-games #ya2 SMP Tue Sep 27 5:43:25 MSD 2011 x86_64 GNU/Linux

Yandex artıq ikinci dəfə Open Source və Linux üzrə ixrtisaslaşmış sistem administratorları üçün olimpiada keçirir. Olimpiyada iştirakçıları, hər gün qarşılaşdıqları problemlərin tez və düzgün həlli üzrə mübarizə aparacaqlar.
  root@yandex:~# tail -f /var/log/news/news.notice
Olimpiada artıq bu gün, yəni sentyabr ayının 27-dən başlayıb.  Birinci turun oyunları oktyabr ayının 10-u və 14-ü keçiriləcək. Birinci turda qələbə qazanmış iştirakçılar, noyabr ayının 11-i Yandex şirkətinin Moskvadakı ofisində keçiriləcək 2-ci tura dəvət alacaqlar.

Olimpiada haqda xəbərlər root.yandex.ru saytında, twitter`də #yaroot teqi altında yayımlanacaq. Əgər hər hansısa bir sualınız olsa Olimpiada klubunda verə bilərsiniz!

Hədiyyələr:

I (0001) — 130 000.00 рубль (~ 3160 AZN)
II (0010) — 65 000.00 рубль (~ 1580 AZN)
III (0011) — 32 500.00 рубль (~ 790 AZN)

Proqram: http://root.yandex.ru/etc/crontab
Qaydalar: http://root.yandex.ru/usr/share/man/man1/rules

Birdə saytda yazılmasada, diqqətinizə çatdırım ki, birinci turda internet üzərindəndə qoşula bilərsiniz! Əgər keçsəniz, ikinci tura Moskvaya getməyə dəyər =) Bütün sys adminlərə uğurlar, xəbər tutduqca sizi agah edəcəm.

Original: Sys`adminlər üçün olimpiada

İnformatika üzrə Ümumrespublika olimpiadasının final mərhələsi keçirildi

8 may 2010-cu il tarixdə AMEA İnformasiya Texnologiyaları İnstitutunda Ümumdünya telekommunikasiya və informasiya cəmiyyəti gününə həsr olunan «Ali məktəb tələbələri arasında informatika üzrə Ümumrespublika olimpiadası»nın ikinci, final mərhələsi keçirildi.

Rabitə və İnformasiya Texnologiyaları Nazirliyi, Heydər Əliyev Fondu, Təhsil Nazirliyi və AMEA İnformasiya Texnologiyaları İnstitutunun birgə təşkilatçılığı ilə keçirilən olimpiadanı giriş sözü ilə açan rabitə və informasiya texnologiyaları nazirinin müavini Elmir Vəlizadə ölkəmizdə informasiya-kommunikasiya texnologiyaları sahəsində yüksək səviyyəli mütəxəssislərə böyük ehtiyac olduğunu bildirdi. İnformatikanın kompyuterləşdirilmiş informasiya sistemlərinin layihələndirilməsi, işlənilməsi, yaradılması, səmərəliliyinin qiymətləndirilməsi, onun müxtəlif sahələrdə tətbiq və təsirinin bütün aspektlərini öyrənən kompleks elm olduğunu qeyd etdi.


( Ətraflı )
  • 0
  • 11 мая 2010, 11:01
  • Farik
  • 4

Ali məktəb tələbələri arasında informatika üzrə ümumrespublika olimpiadası

Ümumdünya Telekommunikasiya və İnformasiya Cəmiyyəti Gününə həsr olunan «Ali məktəb tələbələri arasında informatika üzrə Ümumrespublika Olimpiadası» Rabitə və İnformasiya Texnologiyaları Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutu tərəfindən birgə keçirilir.

Olimpiada informatika üzrə beynəlxalq komanda yarışlarının yarımfinalında iştirak etmək üçün ölkəmizi təmsil edəcək komandanın seçilməsinə və hazırlanmasına imkan yaradacaqdır.
Təşkilatçılar tərəfindən Olimpiadanın keçirilməsi ilə əlaqədar Əsasnamə təsdiq edilmişdir. Olimpiadanın keçirilməsi barədə şərtlərlə daha ətraflı həmin əsasnamədə tanış ola bilərsiniz.
Olimpiadanın birinci mərhələsi 10.04.2010-cu il tarixində, ikinci mərhələsi isə 08.05.2010-cu il tarixdə keçiriləcəkdir.

Qeyd edim ki, dünən qeydiyyat başa çatıb. 60 komanda olimpiadaya müraciət edib və onların yalnız 40-ı qeydiyyatdan keçib.
qwerty əhli, iştirak edən varmı ?) Mən bu sahə üzrə təhsil alıram, amma heç xəbərim yox idi. Elə indicə xəbər tutub, sizə yazıram.
  • 0
  • 04 апреля 2010, 09:15
  • Farik
  • 17